{ مدخل
أنا اعشقك واحترق لك شـوق واعانـي
واقول وانا احبك .. بس هه يعنـي ...
وأضمه وانثــر اجمـل طيـف باحضانـي
وليا انتثر قال تكفـى جمعنـي
رحت اجمعه واطلـب الرحمـن ياقانـي
نـــــــار المفـارق ولا انـه فيـه يفجعنـي
اللي كـــما الـدم يجـرى وسـط شريانـي
اخـر بشــــــــــــر آتمنـى انــه يودعـنـي
اشهـــــــدك يـارب لــو راح وتنسـانـي
انـه معـي ليــــــــن ذكـرانـا تشيعـنـي
تبي انتفارق !؟ قولهــا .. وانتفارق !!
عشان اعرف شلون ... ألملم جراحي !
يلعن أبوه الشوق ! وشلون .. حارق !
تو مافترقنا ..... وابتدى.....فـ اجتياحي !
غصن العتب ما مات ! للحين . وارق !!
والليل .... أتلى الليل ... " طلّة صباحي " !
مجرم غرام وفوق هالجرم ... سارق !
تسرق ... منام اللي قضى الليل صاحي !
أهواك والله .......... كثر مالاح بارق
ياللي تشوف الحُب .... " كسرة جناحي " !
قول " إنتفارق " قولها ! وانتفارق !!
.. أي " إنتفـارق " بس !!!
هو أنت صاحي !!؟
[ ممنوع ] أحب غيرك لأن الحقيقه ؟
مـافيه " أحد " يسوى يجي في / مكانك .
[ ممنوع ] أنام إلا بـ هذي الطريقة :
( أنام أنا ويَّاك .. و أحضن حنانك )
[ ممنوع ] أنا أنساك لو في – دقيقة - !
لازم ( أفكر فيك ) , و ( أعز شـانك ) . . .
[ ممنوع ] أسمع : صوت : كل الخليقة ..... .
ويا زين كل كلمه تجي من { لسانك }
[ ممنوع ] أحس إنْ كنت ويَّاي ضيقه
ياللي خدمك الحظ .../ فيني و عانك
[ ممنوع ] أقول : القلب / شيٍ يعيقه
قهوة ( ظروفي ) .. حَلَّهَا , زعفرانك
[ ممنوع ] أقول إنَّ الزمن ما أطيقه
لأنه زماني صار " صدفه " زمانك !.
قلبي ( ذَهَب خالص ) , وحُبك بريقه
وكل ما أسوِّي في حياتي [ عشانك ]
دام .. المشاعر .. يا حبيبي , رقيقه ؟
و القلب خان أحبابه اليوم / .. صانك .
بردان ؟؟ شبّ إحساس " قلبي " حريقه
إدفـا عسى تكسب ( دفاك , و رهانك )
" سيفك " إذا خان الرفيق بـ رفيقه ,
يعنـي أشيلك , لو تعثَّر .. [ حصانك ] .. .
لو خان { كل } معشوق مرَّه عشيقه ؟
: مايخون قلبي لو خطا الكل و خانك ! :
دام " القوافي " في بحورك ../ غريقه
( شاعرك ) يبدع و إنت إطلق عنانك
بـ أكتب قصيدي فيك وهذي الحقيقه
ياللي تِهِز [ أبيات شعري ] .. كيانك
تعال الشوق دمَّرني حبيبي والصبر ذايب ..
حطبت الحُب من قوّة غيابك و إنكِسَر لي فاس !
تعال وقول يا ماخذ جميع أشيائي وش جايب ؟!
ترى ملّيييت من حبر القلم و معاند القرطاس !!
عيونك نامت بـ عيني وظنِّي للأسف / خايب !!
أظن ترجع وما ترجع أظن وما يجيني نعاس !
أنا ما قلت لك مخطي ولا هم قلت لك صايب
أبيك الحين ترجع في حياتي .. شمعة الجلاس !!
مريض وأرفض الراحه لأنك لو تجي طايب ..
علاجي بس لو أسمع من لسانك [ عسى لا باس ] !
أنا عقلي على درب الجروح فـ غيبتك سايب ..!
أنا فيني التعب عايش من رجولي إلين الراس !!
قوي قلبي ,, ولكني أحس / بـ غيبتك هايب !
تخيَّل كل ما أصبر على غيابك , تضيق أنفاس !!!
أتوب شلون عن حُبك وغلاك بداخلي شايب ..؟
أحبك كل يوم " أكثر " وفيني لك كثير إحساس !
حضورك كان في قلبي جميع الوقت يا غايب ..
أنا من وين ما أطالع , أشوفك إنت كل الناس !!
شِرَق هذا الفراق اللي كِسَرني حزَّة غروبك
بغيتك وإستحَت عيني من الغلطات صدقني !
كتبتك من قبل لا تجرح الكلمات مكتوبك ..
إذا عندك عذر باقي على التقصير إعذرني !!
كثير الهَم متعوِّد علي .. وإنت يا دوبك
وكافي الحزن لو عنَّه أغيب أيَّام " يفقدني " !
حبيبي ليه متضايق وعلي متغيِّر إسلوبك ..؟
يبيِّن لو سِكت قلبك .., بأنْهَا ضيقتك مني
غيابي كان مو بيدي خذاني الحظ من صوبك !
وقلبي هذا هو حظه غريبٍ , من صغر سني ..
أبيك وما أبي غيرك .. وتأكد قلب محبوبك
جبره الوقت يتناسى لأجل بالخير تذكرني
إذا ردَّت علي أبقى معاك وثوبي من ثوبك
ولكن [ الزمن ] .. لمَّا أقرِّب يبعدك عني !
غصب رايح ولا برجع لأني أبرز عيوبك
حرام إنَّه يجي واحد يلومك من كثر " حزني " !
ترى ما رحت من كيفي عشان أتحمَّل ذنوبك
أنا شفت الزمن ناوي علينا وقلت له : خذني ...!
واذا قالوا : رَحَل عنِّك حبيبك ، فتِّش جيوبك
تطمَّن قلبي بـ جيبك حبيبي لا تدوِّرني !
لذلك قلت في نفسي أبي أبعد عن دروبك ..
شِرَق هذا الفراق اللي كِسَرني حزَّة غروبك
بغيتك وإستحَت عيني من الغلطات صدقني !
كتبتك من قبل لا تجرح الكلمات مكتوبك ..
إذا عندك عذر باقي على التقصير إعذرني !!
كثير الهَم متعوِّد علي .. وإنت يا دوبك
وكافي الحزن لو عنَّه أغيب أيَّام " يفقدني " !
حبيبي ليه متضايق وعلي متغيِّر إسلوبك ..؟
يبيِّن لو سِكت قلبك .., بأنْهَا ضيقتك مني
غيابي كان مو بيدي خذاني الحظ من صوبك !
وقلبي هذا هو حظه غريبٍ , من صغر سني ..
أبيك وما أبي غيرك .. وتأكد قلب محبوبك
جبره الوقت يتناسى لأجل بالخير تذكرني
إذا ردَّت علي أبقى معاك وثوبي من ثوبك
ولكن [ الزمن ] .. لمَّا أقرِّب يبعدك عني !
غصب رايح ولا برجع لأني أبرز عيوبك
حرام إنَّه يجي واحد يلومك من كثر " حزني " !
ترى ما رحت من كيفي عشان أتحمَّل ذنوبك
أنا شفت الزمن ناوي علينا وقلت له : خذني ...!
واذا قالوا : رَحَل عنِّك حبيبك ، فتِّش جيوبك
تطمَّن قلبي بـ جيبك حبيبي لا تدوِّرني !
لذلك قلت في نفسي أبي أبعد عن دروبك
تأكد غيبتي هذي عشانك إنت ... صدّقني !
يبان الطيف !!
ويجتاح الضلوع العوج ..
يباغتني ..
وانا الميت..
على جال الهموم .. هناك ..
؛
وانا اصرخ له ..
بعالي الصوت :
مساء الجرح يا نعش القصايـد والقبـور سطـور
هلا بـك والعـزا تمـم ثـلاث سنيـن باوراقـي
جفلت من الظلام اللي نبش من هالسطـور قبـور
وانا اسمع خافقي يصرخ شبيه الريـح وش باقـي
شبيه الريح لو - تكفى - تشب بوسط قلبك نـور
تلاقي صرخـة جـذور القصايـد تنـده الساقـي
على جرد القصيد اللي تربّع مـن سحـاب الـزور
رسمتك اجمل غصون الهنا فـي جـذع عشاقـي
بنيت من العتب قصرٍ يحوفـه بحـرك المسجـور
وانـا مابيـن جدرانـه وصالـك يشبـه فراقـي
سراديب القهر عتمـه ، تضيّـع خافـقٍ مهجـور
عصيّ الدمع يابنـت القسـاوه يكسـف اشراقـي
تعالي والمحيني يوم ، شوفي الشاعر العصفـور!
جناحي هدّتـه عـوج الليالـي والتـوى ساقـي
عقب ما قد زرع كفّي على رجم الوصـال زهـور
نبت شوك الزهور اللـي سقتهـا غيمـة احداقـي
انا حبر الورق والهـم يكتبنـي ثـلاث شطـور !!
ورود الدم و ريـاح القفـار و ضامـي اشواقـي
وجيت آناشدك - تكفى - وانا ناسي عليك قصور!!
نسيـت انـك تجاهلتـي سنيـن بنـوض برّاقـي
انا برحل وقبل ارحل : احبك يـا سـراب الحـور
احبـك عاشـرت قلبـي قبـل لاتعـرف اوراقـي
فمان الجرح يانعش القصيـده والعـزا مقبـور !
وداعاً آنسـة قسـوة ، وداعـاً مالـك اشواقـي
تدري حبّك ..
... بعثر الدنيا
بعيني ،
وانته قلبك ..
... نار شوقهـ
تحتويني !
وآنا قربك
أرتبك / وانسى
سنيني
!
إي وربّك
إنت صاير
" نبض فيني "!
ماخطيت !
لما أهديتك وفاي ..
وبيدي سلَّمتك حناني
وإنت تطعنـّي بغيابك ،
ومايهمّك لو
( أعاني ) !
ومادريت ،
إنـّها غلطة وكانت ..
لمّا كل أحلامي هانت ،
وانّي كنت أرسم أماني
تنتظرك تفك بابك ..
منّها : إنّا بنعيش ..
ولازم ٍ يجمعنا بيت
وانّني أُم .. لـْـ عيالك ،
وإنت .. بتخبيني فيك !
ولا جنيت ..،
إلا وهم من كل عهد
كنت تزرع شوك فيني ..
بس ما يثمر أبد !
والصبر مني تعذّر ،
مَلْ من قلبي و ..
صد
!
وماتوقعتك تبيني ..
غير " محبوبة " ياعيني ،
أشهق بـكل المحبة ..
وأزفر آهاتي بـ يديك !
لاتجرّحني بوعودك !
دوم تخذلني وتنسى !
ورغم هذا بوقت حزنك
[ لك يكون القلب مرسى ] ،
ولا أصد .. ولا أبيع ..
و لا أكابر !
شوفني والله مااقسى !
حبّني ..
وإجرحني أكثر !
غيب ، وتمادى وأهجر ..
وآنا أوعد قلبك انّي :
دوم بتماسك وبصبر !
أحبك" آخر اخباري..
وآخر ماورد بالكف..
"أحبك" وابعد حدودي..
سلام وأقربه نظره..
"أحبك" بأول إحساس..
داعب مهجتي ماكف..
"أحبك" إيه أنا "أحبك"
بقلبٍ ماعرف يكره.!!
هذي فنه اشواقي..
أبعثرها قصيد وحرف..
أجيك ململم "جروحي"
وصوتي تخنقه "العبره"
أجيك بخاطرٍ مكسور..
وعين ماتغض الطرف..
أجيك "بلهفتي" وينك.؟!
فؤادي ماحمل صبره..
أبيك تسابق شمسي..
بعد من الصفر للألف.!!
بحط ايدي على خدّي..
واقول امتى يجي بكره.!!
بكحل ناظري بشعة..
جبينك يالغرام العف..
ويسعد لي صباح الّي..
تصبحبك على الفطره..
أنا ادري ماعرفتني.!!
تشابه في سماك الصنف..
صوابع ايدك بكفك..
واذا هي تختلف قدره..
أنا ادري في البشر عمله..
رخيصه في بنوك الصرف..
أنا اعرف في البشر معدن..
ثقيل يرجح الصخره..
سألتك باللذي زانك..
أنا ويني بذاك الصف.؟
أشوف المعجبين كثار..
واخاف تطول النطره..
رجيتك لاتجي بدافع..
مايسمى "العطف"
تراي مااملك إحساسي..
إذا قلبي بدا يشره..
"هذي آخر اخباري"
وآخر ماورد بالكف
وانت وشهي اخبارك.؟
عقب الّي سبق ذكره.!!
تعال ووقع بجرحك أنا قلبي كتاب جروح
ما يهمك ترى غيرك جرحني ما افتكر فيني
زوايا القلب تتألم وشرخ في الحنايا ينوح
وعبره تخنق إحساسه ودمع راجف بـعيني
زمن فيه الوفا ولى وسيف الغدر به مسموح
يسله من هوى ذاته ويهوى بس يشـقيـني
زمن فيه الأنا تقتل مشاعر بين روح وروح
وعلى كثر الألم منها صار الفرح مجـفيني
شوف الواقع المؤلم يعشق شوفة المجروح
رسخ في داخلي كلي ووده حيل ينهيني
مخرج..
جمعت حروف هالدنيا ورحت اركض أناديها
بسمّعها كلام غير واصارحها أنا بحبّي
رميت كل همومي وغمضت وكل همّي
الاقيها وقلبي ممتلي فرحه
ولهفه..وشوق متعبني
وكان الجو بارد حيل
وكانت ترتجف ايديها
وهمست..انا موجود لكن مادرت هي بي..
ضحكت وكنت احسب أنا الّي بس يعنيها
وأنا الّي بس بتحبه..وأنا الّي يهمها قربي
لكن للأسف خابت حلوم كنت بانيها
على حبٍ توقعته بينوّر دربها ودربي
اثاري بقلبها غيري تداريه ويداريها
واثاري بقلبها ياناس حبٍ كان متخبي
قالت لي..تحبه موت وهو بالحيل يغليها
وقالت لي..أخاف الحب تكفى خلك بجنبي
سكت وسالت دموعي ومنديلي يخبيها..
بطيبه قالت..انت اش فيك.؟
قلت..البرد لاعب بي
ماابيها تعرف بحبي واني ميت فيها
خلاص الله يسعدها وأنا بيعينني ربي.. }
ممآرَآقِ لِي
الثلاثاء يناير 26, 2010 1:46 pm من طرف 
موضوع: أنا قلبي كِتآب جروح ..~} 
